Հայտարարություններ

Կրթական ծրագրերին վերաբերող հայտարարություններ

«ԱԲ ՍԵՐՈՒՆԴ»

Սպասված նորություն 10-րդ դասարանի դիմորդների համար «ԱԲ սերունդ» ծրագիրն այսուհետ հասանելի կլինի ՀՀ ԲՈԼՈՐ մարզերի ավագ դպրոցներում։

Ներդրվելով անմիջապես դպրոցական համակարգում՝ «Արհեստական բանականության սերունդ»-ն ԱՆՎՃԱՐ հնարավորություն է տալիս աշակերտներին՝

Սովորելու խորացված հանրահաշիվ, Python և ԱԲ
Իրականացնելու սեփական AI նախագծերը
Զարգացնելու ամենահիմնարար փափուկ հմտությունները
Այցելելու տեխնոլոգիական առաջատար ընկերություններ և շփվելու ոլորտի մասնագետների հետ
Մասնակցելու տեղի և միջազգային AI օլիմպիադաների ու մրցույթների
Կուտակելու կրեդիտներ՝ բուհ փոխանցելու հնարավորությամբ:

ԻՆՉՊԵՍ ԴԻՄԵԼ
Լրացրու հետաքրքրության հայտդ ու ընտրիր քո մարզում հասանելի «ԱԲ սերունդ»-ի դպրոցներից մեկը https://tinyurl.com/4jv29kpe
Կապվիր դպրոցի հետ ու հայտնիր, որ ուզում ես միանալ ԱԲ հոսքին
Սկսի՛ր պատրաստվել օգոստոսին սպասվող գիտելիքային ստուգմանը։ Մանրամասներն այստեղ https://tinyurl.com/4ak4dncp

Միացի՛ր «ԱԲ սերունդ»-ին սկսիր ապագա նորարարի քո ուղին հենց դպրոցից:

Ընդունելության մեկնարկ

10. Սովորողի ընդունելությունը հաստատություն մեկնարկում է՝

1) առաջին դասարանի դեպքում՝ տվյալ տարվա հունիս ամսվա երկրորդ շաբաթվա առաջին աշխատանքային օրը.

2) տասներորդ դասարանի դեպքում՝ տվյալ տարվա հուլիս ամսվա չորրորդ շաբաթվա առաջին աշխատանքային օրը:

(10-րդ կետը խմբ. 19.05.26 N 15-Ն)

10.1. Ընթացիկ ուսումնական տարվա համար ուսումնական հաստատությունը սովորող կարող է ընդունել մինչև տվյալ տարվա մայիսի 1-ը։ Նոր ուսումնական տարվա համար ուսումնական հաստատությունը սովորող կարող է ընդունել օգոստոսի 1-ից:

(10.1-ին կետը լրաց. 13.06.25 N 49-Ն)

11. Պետական ուսումնական հաստատության առաջին դասարան սովորողի ընդգրկումն իրականացվում է Համակարգի միջոցով՝ հայտագրմամբ, իսկ ընդունելությունը կատարվում է տնօրենի հրամանով՝ սույն կարգի պահանջներին համապատասխան։

(11-րդ կետը խմբ. 16.06.23 N 56-Ն, 19.05.26 N 15-Ն)

11.1. Պետական ուսումնական հաստատության տասներորդ դասարան սովորողի ընդգրկումն իրականացվում է Համակարգի միջոցով՝ հայտագրմամբ՝ սույն կարգի պահանջներին համապատասխան՝ բացառությամբ այն դեպքերի, երբ տվյալ ուսումնական հաստատության սովորողները մանկավարժական խորհրդի որոշմամբ և սովորողի ծնողի (նրա օրինական ներկայացուցչի) գրավոր դիմումի համաձայն փոխադրվում են նույն ուսումնական հաստատության կրթության երրորդ աստիճան: